தீபம் ஏற்று ! ! !

ராதேக்ருஷ்ணா

தீபம் ஏற்று ! ! !

ராதையே அகலாக, குருவே நெய்யாக,

உன்னத ப்ரேமையே திரியாக,

க்ருஷ்ணனே ஜோதியாக

இந்த தீபாவளிக்கு ஒரு தீபம் ஏற்று ! ! !

இந்து தர்மமே அகலாக, வேதமே நெய்யாக,

ராமாயணமே திரியாக,

 ஸ்ரீமத் பாகவதமே ஜோதியாக

இந்த தீபாவளிக்கு ஒரு தீபம் ஏற்று ! ! !

வையகமே அகலாக, பாரதமே நெய்யாக,

அமைதியே திரியாக,

உத்தமமான அன்பே ஜோதியாக,

இந்த தீபாவளிக்கு ஒரு தீபம் ஏற்று ! ! !

 

ஸ்ரீரங்கமே அகலாக, காவேரியே நெய்யாக,

ரங்கநாயகியின் ஆசியே திரியாக,

நம்பெருமாளே ஜோதியாக,

இந்த தீபாவளிக்கு ஒரு தீபம் ஏற்று ! ! !

திருமலையே அகலாக,
ஆகாச கங்கையே நெய்யாக,

பத்மாவதியின் அருளே திரியாக,

மலையப்பனே ஜோதியாக,

இந்த தீபாவளிக்கு ஒரு தீபம் ஏற்று ! ! !

அத்திகிரியே அகலாக, சாலைக் கிணறே நெய்யாக,

பெருந்தேவியின் கருணையே திரியாக,

வரதராஜனே ஜோதியாக,

இந்த தீபாவளிக்கு ஒரு தீபம் ஏற்று ! ! !

ருக்குமாயி அகலாக, சந்திர பாகா நெய்யாக,

அபங்கங்களே திரியாக,

பாண்டுரங்கனே ஜோதியாக,

இந்த தீபாவளிக்கு ஒரு தீபம் ஏற்று ! ! !

ப்ரும்மமே அகலாக, ஞானமே நெய்யாக,

ஸ்ரீ சங்கர பகவத் பாதரே திரியாக,

ப்ரும்மானந்தமே ஜோதியாக,

இந்த தீபாவளிக்கு ஒரு தீபம் ஏற்று ! ! !

நம்மாழ்வாரே அகலாக, சரணாகதியே நெய்யாக,

திவ்ய ப்ரபந்தங்களே திரியாக,

ஸ்வாமி இராமானுஜரே ஜோதியாக,

இந்த தீபாவளிக்கு ஒரு தீபம் ஏற்று ! ! !

உடுப்பியே அகலாக, ஸ்ரீ மத்வரே நெய்யாக,

 ஸ்ரீ ராகவேந்திரரே திரியாக,

பால க்ருஷ்ணனே ஜோதியாக,

இந்த தீபாவளிக்கு ஒருதீபம் ஏற்று ! ! !

 ப்ருந்தாவனமே அகலாக, யமுனையே நெய்யாக,

பக்தர்களே திரியாக,

ராச க்ரீடையே ஜோதியாக,

இந்த தீபாவளிக்கு ஒரு தீபம் ஏற்று ! ! !

இத்தனை தீபம் ஏற்றிவிட்டு,

என் அனந்தபுரி தீபம் ஏற்றாமல்

விடமுடியுமா ? ! ?

ஆதிசேஷனே அகலாக, ப்ரும்மதேவரே நெய்யாக,

சிவபெருமானே திரியாக,

என் பத்மநாபனே ஜோதியாக,

இந்த தீபாவளிக்கு ஒரு தீபம் ஏற்று ! ! !

 

நம்பிக்கையே அகலாக, திடமே நெய்யாக,

பொறுமையே திரியாக,

நாம ஜபமே ஜோதியாக,

இந்த தீபாவளிக்கு ஒருதீபம் ஏற்று ! ! !

இன்னும் இது போல்

கோடி தீபம் ஏற்றுவோம் . . .

நான் ஏற்றும் சில தீபங்களை

உன்னிடம் சொல்லிவிட்டேன் . . 

 இனி உன் இஷ்டப்படியெல்லாம்

வித விதமாய் தீபம் ஏற்றி

இந்த தீபாவளியைக் கொண்டாடு ! ! !

இந்த தீபங்கள் என்றும் அணையாது !

இந்த தீபங்கள் ஏற்றி

நம் வாழ்வில் ஒளியைப் பெறுவோம் ! ! !

எல்லோருக்கும் இந்தத் தீபாவளி

பக்தித் தீபாவளியாக,

ஞான தீபாவளியாக,

வைராக்ய தீபாவளியாக,

தீர்காயுள் தீபாவளியாக,

ஆரோக்கிய தீபாவளியாக,

ஐஸ்வர்ய தீபாவளியாக

அமைய

பகவானும், ஆசார்யர்களும்,

பாகவதர்களும்

பூரணமாய் ஆசீர்வதிப்பார்களாக,,,

நிறைந்த தீபாவளி வாழ்த்துக்கள் . . .