அதெப்படி ? ? ?
ராதேக்ருஷ்ணா
நினைக்கிறேன் !
ஆனால் நினைப்பதில்லை !
பத்மநாபா எப்பொழுதும்
உன்னை நான் நினைப்பதில்லை !
எனக்கு தோன்றும்போதுதான்
பத்மநாபா உன்னை நான் நினைக்கிறேன் !
காலையில் எழுந்திருக்கும்போதே
நான் உன்னை நினைப்பதில்லை !
சில நாள் படுக்கையிலிருந்து
எழும் போது நான் உன்னை நினைப்பேன் !
இரவு படுக்கப் போகும்போதேல்லாம்
நான் உன்னை நினைப்பதில்லை !
பத்மநாபா ! சில இரவுகள் மட்டுமே
உன்னை நான் சும்மா நினைக்கிறேன் !
எல்லா காரியங்களிலும்
நான் உன்னை நினைப்பதில்லை !
சில காரியங்கள் செய்யும்போது
பத்மநாபா நான் உன்னை நினைக்கிறேன் !
சிரத்தையோடு நான் உன்னை
நினைப்பதில்லை !
ஆசையோடு நான் உன்னை
நினைப்பதில்லை !
பக்தியோடு நான் உன்னை
நினைப்பதில்லை !
வினயத்தோடு நான் உன்னை
நினைப்பதில்லை !
ஆனாலும் சில சமயங்களில்
எனக்குத் தெரியாமலேயே
உன் நினைவு எனக்கு வருகிறது !
அது எப்படி ? ! ?
எனக்கு ரொம்ப நாளாக
இந்த விஷயத்தில் சந்தேகம் !
இன்று புரிந்தது ! ! !
அதுதான் சத்தியம் !
அதுதான் நிச்சயம் !
நான் உன்னை மறந்துவிடுகிறேன் !
நான் உன்னை நினைப்பதேயில்லை !
ஆனாலும் உன் நினைவு
வருகிறதே அதெப்படி ? ? ?
நான் உன்னை நினைப்பதேயில்லை,
நீயோ என்னை மறப்பதேயில்லை ! ! !
இதான் ரஹஸ்யம் ! ! !
ஆஹா . . . கண்டுபிடித்துவிட்டேன் !
இல்லை இல்லை ! ! !
பத்மநாபா ! நீயே புரியவைத்தாய் !
என்னால் இதை தாங்க முடியவில்லை !
நீயேன் என்னை நினைக்கிறாய் ?
நான் என்ன நம்மாழ்வாரா ?
நான் என்ன திவாகர முனியா ?
நான் என்ன பில்வமங்கள ரிஷியா ?
நான் என்ன ஸ்வாமி இராமானுஜரா ?
நான் என்ன நிகமாந்த தேசிகரா ?
நான் என்ன ஸ்வாதி திருநாளா ?
இல்லை...இல்லை...இல்லை...
நீ நினைப்பதை எப்பொழுதெல்லாம்,
எனக்கு புரியவைக்கிறாயோ,
அப்பொழுது மட்டுமே
நான் உன்னை நினைக்கிறேன் ! ! !
ஏதோ உன் கருணை,
நான் உன்னை நினைக்கிறேன் ! ! !
இப்படியே நீ என்னை
நினைத்துக்கொண்டிரு ! ! !
இது தான் நான் கடைத்தேற ஒரே வழி !
வேறு வழியே எனக்கு இல்லை !
அப்பாடா ! ! !
இன்றே எனக்கு நிம்மதி ! ! !
என் மனது இன்றே சாந்தி
அடைந்தது ! ! !
என் மனது இன்றே நிறைவு
பெற்றது ! ! !
இடுகைகள்
0 கருத்துகள்:
கருத்துரையிடுக