தீபாவளியா ? ? ?
ராதேக்ருஷ்ணா
தீபாவளியா ? ? ?
உண்மையாகவே நீ
தீபாவளி கொண்டாடுகிறாயா ? ? ?
உன்னுடைய சுயநலம்
என்ற முராசுரன்
முழுவதுமாக அழிந்தானா ?
உன் பேராசைகளை
அழித்து சமாதானம் தர
க்ருஷ்ணன் வந்தானா ?
உன் இருப்பிடத்திற்கு
க்ருஷ்ணனோடு சத்யபாமா
ஆனந்தமாய் வந்தாளா ?
உன்னுள் இருந்த
அகம்பாவம் என்னும்
நரகாசுரன் அழிந்தானா ?
ப்ராக்ஜ்யோதிஷபுரம் என்னும்
உன்னுடைய சரீரம்
க்ருஷ்ணனின் கட்டுப்பாட்டில்
வந்துவிட்டதா ?
உன் மனதில் உள்ள
பலவித [16100] ஆசைகளும்,
எதிர்ப்பார்ப்புகளும்
க்ருஷ்ணனையே கதியாக,
ஏற்றுக்கொண்டனவா ?
பக்தி என்னும் கங்கையில்
ஆனந்தமாகக் குள்ளக்குளிர
நீந்தி விளையாடினாயா ?
ஞானம் என்னும் புத்தாடையை
அழகாக உடுத்திக்கொண்டாயா ?
உன் பைத்தியக்காரத்தனங்கள்
பட்டாசு போல் வெடித்து
சிதறினதா ?
வைராக்யம் என்னும் பக்ஷணத்தை
ஆசை தீர உண்டாயா ?
அன்பு என்னும் ஆனந்த
வெள்ளத்தில் எல்லோரோடும்
நீந்திக் களித்தாயா ?
யாரையும் கேவலப்படுத்தாமல்,
யார் மனதையும் நோகப்படுத்தாமல்,
எல்லோரோடும் கலந்து பழகினாயா ?
ஏழை எளியோரின் வீட்டில்,
உதவி என்னும் தீபத்தை ஏற்றினாயா ?
ஏழைக்குழந்தைகளின் முகத்தில்
சந்தோஷ மத்தாப்புகள் என்னும்
சிரிப்பு முத்துக்கள் சிதற,
அவர்களோடு கலந்து பழகினாயா ?
இத்தனையும் செய்திருந்தால்
நிச்சயம் நீ
தீபாவளிதான் கொண்டாடுகின்றாய் . . .
இதுவரை இப்படிக் கொண்டாடவில்லை
எனில் இந்தத் தீபாவளியை
இவ்வாறு கொண்டாடு . . .
இதுவே தீபாவளி . . .
இடுகைகள்
0 கருத்துகள்:
கருத்துரையிடுக